Dili, 24 de Juñu ( Media Democracia )-Vice-Ministra asuntu ba ASEAN no Ministra Interna no Ministerio Negosio Estranjeiru servisu hamutuk ho Universidade Nasional Timor Lorosa’e realiza konferensia akademika ho tema ” Kapasidade no kompetitividade iha setór privado nasional hodi prepasaun ba adezasaun Timor Leste ba iha merkadu ASEAN
Iha entrevista ho Vice-Ministra asuntu ba ASEAN no Ministra Interna Milena da Costa Rangel hateten ohin hala’o konferensia akademika ida ne’e ho nia objetivu atu espalla informasaun ba akademika sira kona-ba preparasaun governo Timor-Leste nian atu tama ba iha ASEAN no servisu hamutuk ho setór privado sira atu bele hadia servisu hirak ne’ebé seidauk di’ak hodi bele kompete iha merkadu ASEAN
“Agora governo Timor-Leste implementa hela routeiro ne’ebé mak ASEAN sira fó hela mai ita atu halo implementasaun ba iha servisu sira ne’e, nomos bele hadia servisu balun ne’ebé seida’uk lao ho di’ak tuir kriteriu ne’ebé ASEAN fó mai ita atu bele priense servisu sira ne’e tuir kriteriu ne’ebé ASEAN fó ona.” Dehan Vice-Ministra
Aleinde ne’e governo hala’o preparasaun ba iha kriteriu hitu ne’ebé mak ASEAN fó ona mai antes atu adere ba iha ASEAN tenke priense kriteriu hitu ne’ebé iha nonu-governo nafatin esforsu no servisu hamutuk hodi hadia servisu balun ne’ebé seidauk di’ak liuliu servisu sira ne’ebé atu priense ba kriteriu sira ne’e.
“Kriteriu hitu ne’e iha kriteriu balun mak nonu-governu konsege resolve ona no hala’o ona servisu tuir saida mak ASEAN hakarak, tanba ita hotu hatene katak ASEAN hanesan organizasaun ida ne’ebé mak kompostu husi nasaun sanulu, Tan ne’e ita tenke preparasaun servisu sira ne’e no prepara mós setór privado sira tenke servisu hamutuk atu bele adere ba iha ASEAN.” Dehan Vice-Ministra
iha sorin seluk hatutan mós husi Prezidente comisaun exekutiva BNCTL Antonio Fransisco Vitor hateten adezaun ne’ebé mak agora atu sai hanesan membru ASEAN ne’e importante tebes tanba bele hala’o servisu hamutuk ho nasaun sira liuhusi produtu ne’ebe mak atu ba kompete iha merkadu ASEAN nian bele fó benefisiu ba ba nasaun ida ne’e.
“Antes atu adezaun ba ASEAN tenke halo preparasaun servisu sira nomos preparasaun ba kapasidade servisu no partispasaun masimu husi setór privado sira atu bele servisu hamutuk ho governo hodi bele hadia servisu hirak ne’e hodi bele priense kriteriu hirak ne’ebé mak iha ona.” Dehan Prezidente comisaun exekutiva BNCTL
Atu akresenta de’it katak ita-nia nonu-governu tenki servisu makas no prepara-an didi’ak hodi bele tama iha ASEAN tanba rekezitus ne’ebé mak husi ASEAN ne’e todan ituan no presija nonu-govenu tenke book-an lais hodi bele kompleta rekezitus hirak ne’e
Reportajen : Domingas da S. Goncalves
Foto : Domingas da S. Goncalves
