Dili, 01 Jullu 2024 (Média Democracia)-Autoridade Protesaun Sivil (APC sigla Portugés), Iha Fulan Junu 2024 hahú husi loron 23 too loron 29 rejista Kazu Dezastre Naturais iha Munisipiu Baucau, Ermera no Aileu, dazastre hirak ne’e hanesa ahi-han uma, anin-boot no rai-halai.
Tuir Xefe Seksaun Relasaun Externa Nelson Nunes de Orleans hateten, ohin loron aprezenta relatóriu semaná hahú husi loron 23 to’o 29 Fulan Juñu 2024 durante semana ida ne’e iha rejiaun Timor-Leste akontese tipu dezastre naturais ne’ebé Rekolla husi CNOPC.
“rekolla dadus iha Greek ni’an kona-ba kazu dezastre hamutuk tolu hanesan Ahi-han Uma, Anin-Boot no Rai-Halai, iha númeru estragus lima, la tama kategoria tolu hamutuk ho númeru ema afetadu 34 liuliu iha Munisípiu sira hanesan Munisípiu Aileu ai-han uma ida, Munisípiu Baucau anin-sobu uma ida no ahi-han uma rua, Munisípiu Ermera ahi han-uma ida no rai-halai tolu, ohin ha’u marka tempu iha ne’e hodi aprezenta Munisípiu haat tuir dadus husi Greek ne’e duni husu ba Munisípiu no parseiru sira fornese esistensia emergensia ba família afetadu sira hanesan Ai-han nomos la’ós ai-han ba vítima sira.” Dehan Xefe Nelson Iha Nia Konferénsia Imprensa Iha Atoridade Protesaun Sivil (APC) Caicoli Dili.
Nia relata Dadus Detallu ne’ebé aprezenta ne’e hahú husi loron 21, 23, 24, 25 Fulan Junu 2024 husi Ermera Postu-Administrativu Hatulia B Suku Urahou Aldeia Caitur Loa, akontese rai-halai estraga komunidade nia uma 3, Iha Suku Fatubolu Aldeia Fatubolu ahi-han komunidade Nia uma 1 iha loron 21 Fulan Juñu 2024 ne’e.
“Iha loron 24 Fulan Juñu 2024, akontese dezastre Naturais iha Munisípiu Aileu Postu-Administrativu Aileu Vila, Suku Liurai Aldeia Rairema, akontese ahi-han komunidade nia uma 1 ne’ebé rejulta uma uma na’in hetan kanek kaman. lha loron 25 Fulan Juñu iha Munisípiu Baucau Postu-Administrativu Quelicai Suku Bagui, Aldeia Laua Liu akontese ahi-han komunidade nia uma 1. lha loron 23 Fulan Juñu, Suku Makalaku Aldeia Puci-Lau, Anin-sobu komunidade nia Uma Adat 1, akontesementu ne’e hetan de’it apoiu emerjénsia.” Portavós Nelson Relata.
Durante dezastre naturais ne’e vítima sira hetan kedas levantamentu dadus husi Suku, ekipa tu’un ba kedas fatin akontesementu no evakua vítima sira ba fatin seguru nune’e bele hadook-an husi risku dezastre refere. Akontesimentu ahi-han uma ne’e lá rezulta ema mate, maibé ema ida hetan kanek.
Xefe Seksaun ne’e Afirma durante Fulan Janeiru to’o iha Fulan Juñu 2024 ne’e Autoridade Protesaun Sivil (APC sigla Português) rejistu kazu dezastre naturais ho total jerál 1.000 itál mak halo rejistrasaun ona.
“Dezastre ne’e atu monu ba iha tipu/kategoria ida ne’ebé seidauk hatene tanba sei halo verifikasaun ba dadus no APC sei halo levantamentu dadus, nune’e ita bele identifika vitima sira nia uma tama iha tipu/kategoria aat total ka aat kaman ka aat naton, nune’e bele hetan sasan emerjen.. “ Xefe Ne’e Afirma
Entretantu ba emerjénsia Ekipa halo Primeiru Star tuir prosesu no sistema ne’ebé APC iha, Dahuluk halo verifikasaun ba dadus, nune’e hodi identifika vítima sira nia situasaun depende ba tipu tolu ne’ebé iha, atau nune’e apoiu emerjensia ne’e fó tuir tipu uma ne’ebé hetan estragus
Reportajen: Estefánia & Tomás
Foto : Tomas
