Dili, 15 Marsu 2024 (TVDJ) – Udan Tau Rai Semana Ida Ne’e Nia Laran Iha Sidade Dili, Afeta Mós Ba Lixu Sira Naklekar Iha Fatin-Fatin Inklui Estrada Públiku No Mais Pior Liu Valeta Sira Nakonu Ho Fo’er, Hanesan Masa Mamuk, Kaixa, Besi, Plástiku No Fo’er Sira Seluk.
Tuir Abrão do Rosario Soares, hateten nu’udar estudante ne’ebé lor-loron halo movimentu husi uma mai eskola iha sidade Dili, haree ba dalan ninin sira iha semana ne’e nia laran ameasa ba lixu sira ne’ebé naklekar iha dalan públiku barak tebes.
“Ita haree ba iha parte Caicoli nian, bai nhira iha tempu udan baleta sira nakonu ho lixu liuhusi ida ne’e hatudu katak, lixu ne’ebé so’e iha fatin públiku barak tebes no lixu hirak ne’e ita sosiedade mak so’e arbiru signifika sosiedade mak kontribui ba inundasaun ne’e rasik.” Abrão informa ba jornalista TVDJ ne’e iha Mascarenhas
Estudante ne’e akresenta liután lixu ne’ebé naklekar iha fatin sira hanesan área Caicoli, Bidau, Vila-verde, Comoro, Fatuhada, Tasi-Tolu no fatin seluk tan, plastiku no masa mamuk sira, naklekar arbiru iha estrada ki’ik to’o estrada komun sira.
Iha parte seluk estudante akademiku (UNTL) Caitano Aquino Menezes, iha resintu Faculdade Filosofia UNTL informa katak, tuir nia haree iha semana nia laran lixu ne’ebé naklekar iha estrada publiku barak tebes.
Nia hanoin katak, ninia inpaktu mai husi ita ema ka sosiedade rasik, tanba so’e fo’er la tau iha nia fatin, no ita so’e fo’er hanesan masa mamuk, plastiku sira arbiru iha fatin publiku nune’e bele afeta ba iha inundasaun, bele estraga populasaun nia uma no sasan sira, buat sira ne’e hotu nia ninia impaktu ne’e mai husi husi ita sosiedade rasik.
“Ita nu’udar sidadaun mós tenki iha ona konsiensia atu so’e fo’er iha fatin lixu ka lixeiru ne’ebé husi parte governu tau ona, maibé bainhira atu so’e lixu tenke so’e iha laran la bele so’e iha liur ka fakar de’it iha lixeiru nia oin, nune’e bainhira udan tau rai derepente bele lori fali lixu hirak ne’e tun ba baleta laran, entaun taka tia baleta ne’e no intupidu iha laran to’o bee nakonu hodi hamosu inundasaun ka banjir”. Dehan estudante akadéminku ne’e iha Caicoli
Estudante akadémiku ne’e, rekomenda ba governu atu halo kontrolu mós ba loja sira China sira, tanba dalabarak sira mak halo lixu ne’e barak tanba sira mós so’e iha lixeiru hirak ne’ebé iha, tuir lolos sira tenki uza rasik sira-nia transporte hodi ba fakar iha Tibar. Komunidade mós hanesan presiza atu kontribui uza konsiênsia hodi so’e lixu tuir nia fatin atu nune’e ita bele reduz ita-nia kontribuisaun ba inundasaun ne’e rasik.
Antes ne’e, Iha salaun AMD Caicoli Dili, Diretór Servisu Munisípal Agua Saneamentu no Ambiente Herminio Moniz Ribeiro hateten, ekipamentus no transporte modernu iha atu raut fo’er sira to’o ona iha Dili, atu hala’o servisu. Transporte hirak ne’e sei entrega ba kompaña Pax, ne’ebé sei responsabiliza atu raut fo’er iha sidade Dili.
Reportajen : Flavio Suni.
Foto : Flavio
