Dili, 3 Jullu 2024 (Media Democracia)-Sekretariu Estadu Formasaun Profisional no Empregu (SEFOPE) ho nia estrutura tomak ne’ebé akompaña liuhusi Komisaun Anti Korupsaun (KAK) no Provedoria ba Diretus Umanus no Justu (PDHJ), hodi halo abertura koreksaun ba materia teste eskrita nian, iha Salaun Garden Beach Pantai Kelapa Dili
Tuir Sekretariu Estadu Formasaun Profisional no Empregu, Rogério Aroújo Mendonça, hateten ema ne’ebé atu koreksaun ba materia exame eskrita nian hamutuk na’in ualu-nulu 80 ba semana ida nia laran, hotu foin anunsiu ba publiku atu nune’e labele mosu indikasaun kor no familiarismu nune’e ema hotu bele garante kulidade.
“Ha’u hanoin ema na’in 80 ne’e sufisiente ona atu halo koreksaun materia refere tanba agora ita uza ho sistema avansadu ona, signifika katak parte teknika sira ne’ebé prepara ona ho kondisaun ne’ebé di’ak no garante katak iha semana ida nia laran ne’e bele realiza ona koreksaun karik tempu la too ita sei bele prolonga tan tempu ba loron ida ka rua”. Dehan Sekeretaridu Estadu Formasaun Profisional no Empregu, Rogério Aroújo Mendonça
Nia hatutan koalia kona-ba transparansia ita nu’udar Timor oan jerasaun foun tenke garante hodi hatudu ba publliku tomak liu-liu ba kandidatura sira ne’ebé inklina-aan iha programa ida ne’e, tanba joven barak mak lakon sira nia tempu hodi ba tuir teste iha ida-idak nia munisípiu.
Iha sorin seluk Diretor Jeral ba Formasaun Profisionál no Empregu Carlito da Rosário Cabral hatutan katak ohin atu korekasaun teste ekrita ba lian ingles ne’ebé realiza iha fulan kotuk, traballadór sira ne’ebé registu liuhusi onlin total rihun-lima-nulu-atus-hitu-haat-nulu resin-lima (50.745) maibé depois teste online menus ba rihun-haat-nulu resin-rua atus-haat neen-nulu resin-haat, (42.464) kandidatu mak tuir teste eskrita.
Nia realsa ita-nia planu sei halo koresaun ba materia ne’e hahu husi loron ohin too semana oin, hotu ita sei prepara mós dokumentu hotu hafoin anunsiu ba publiku tomak kona-ba rezultadu koreksaun kandidatura sira ne’ebé durante ne’e tuir teste iha ida-idak nia munisípiu.
“Ami fiar katak ita-boot sira hotu atu servisu ho espiritu imparsialidade la haree ba kor no familiarismu maibé servisu tenke tuir regra ne’ebé iha, tanba kandidatura sira ne’ebé tuir teste refere mesak Timor oan hotu”. Dehan Diretor Jeral Carlito Rosário Cabral
Atu esplika kle’an liután katak ema ne’ebé atu halo koreksaun ba materia teste eskrita iha tinan 2024 nia laran ne’e nomeia liuhusi ekipa diresaun ida-idak nian iha (SEFOPE), nian ema hamutuk ualu-nulu (80) ne’ebe balun hodi halo koresaun teste eskrita nian no balun halo rekollamentu rezultado ba dadus
Reportajen : Nelfiano Soares
Foto: Nelfiano
