Dili, (TVDJ) – Persaudaraan Setia Hati Terate Timor-Leste (PSHT-TL) fo formasaun ba Formadores Arbitrajen no treinador Atletas, hodi promove Profisionalizmu desportivu nomós dezenvolve talentu desportivu prestasaun.
Objetivu husi foramasaun maka oinsá bele aumenta kapasidade ba arbitrajen no juiz sira nian tékniku hanesan treinador hodi bele sai nu’udar atleta ida ne’ebe Profisionál bainhira aplika tékniku ba membru sira iha baze.
“Formsaun mak ba Arbitrajen no juiz, hanesan tekniku ida oinsa atu partisipa iha kompetisaun ho tekniku arbitrajen juiz atu bele organiza di’ak hodi bele tuir iha kompetisaun ida ne’e.Husi foramasaun ne’e formadores sira tenki fo foramasaun antes atu halo kompetisaun atu nune’e iha futuru bele sai arbitrajen no juiz di’ak iha futuru”, dehan Vise-Prezidente PSHT Fabião Oliveira iha Hotel Ramelau Aimutin, loron 21/10/2023.
Nia hatutan katak, husu ba partisipante sira atu intende didiak, formasaun sira liuhusi tekniku, metodu disiplina, hodi bele utiliza hodi tun ba munisípiu bele fó fila fali tekniku ba membru sira iha baze.
Iha fatin hanesan Prezidente Komisaun Regulador Arte Marsiais (KRAM), Octávio da Conceição hateten, Persaudaraan Setia Hati Terate Timor-Leste (PSHT-TL) fó formasaun ho prepara ba kompetisaun desportu sei hala’o iha fulan oin.
“Persaudaraan Setia Hati Terate Timor-Leste (PSHT-TL) fo formasaun arbitrajen no juiz hodi prepara ba kompetisaun desportu sei hala’o iha fulan oin. Iha kompetisaun ne’e mos PSHT sei hala’o internamente, hodi halo selesaun atleta sira ne’ebé mak iha potensial, hodi kompete iha festival ne’ebé federasaun Silat sei organiza iha fulan oin mai. Formasaun arbitrajen no juiz sira ne’e hodi kapasitasaun sira atu nune’e bele halo prepara ba kompetisaun domestika nomós kompetisaun internasional sira, fó mos apoiu ba kompetisaun kampionatu sira, mak hanesan Kampionatu demostika, rejionais, nomós internasional sira, hodi bele kapasitasaun ba sira nia estrutura hodi prepara atletas sira iha kualifikativu hodi bele kompete iha mundu international”. Infroma prezidente KRAM.
Iha foramasaun ne’e partisipante mai husu 13 Munisípiu inklui Raeo-Oecusse, foramasaun ne’e durante loron tolu nian laran, hodi bele kontinua fo formasaun ba Membru sira iha Munisipiu. Enkuantu atividade ne’e hetan apoiu husi Komisaun Regulador Arte Marsiais (KRAM), ba organizasaun desportu hotu-hotu iha Timor-Leste, no Sekretáriu Estadu Joventude Desportu (SEJD), nune’e aprezenta proposta ba fundu hodi apoiu ba dezenvolvimentu Arte Marsiais ba parlamentu Nasional, aprova orsamentu 2.5 Milhões ba dezenvolvimentu organizasaun arte Marsiais iha Timor-Leste.
Reportajen: Tomas dos Santos
Editor : Salus Carvalho