27 de juñu 2024 (Media Democracia)-Profesores kontratadu realiza Konferensia Imprensa hasoru Ministra edukasaun relasiona rezolusaun Parlamentar nian, nune’e sira sei blokeia total atividade iha edifisiu Ministeriu Edukasaun kuandu la iha solusaun ba sira nia preokupasaun, atividade ne’e realiza iha Jardin 5 de Maio Colmera Dili.
Tuir porta-vos Agustinho Pinto hanesan profesór kontratadu hateten Ministra Edukasaun viola ona rezolusaun parlamentu nian hodi la konsidera profesores kontratadu sira nia direitu bazeia ba lei funsaun publika, tanba parlamentu nasional apoiu total ho votus unaminidade atu halo avaliasaun ba sira hodi bele renova kontratu ba profesores.
“Ministra Edukasaun viola rezolusaun parlamentu nasional nian, tanba parlamentu haruka Ministra atu halo avaliasaun ba profesór kontratadu sira laos atu eskolla maibé atu halo avaliasaun desempeñu, maibé nia viola ona dekreto lei no.19/2011 ne’ebé koalia kona-ba avaliasaun desempeñu ba traballadores, hodi halo rekontratu ba profesores kontratadu tuir lei funsaun publika nune’e husu Ministra Edukasaun atu bele implementa bazeia ba PN deklara apoiu ho votus unaminidade atu halo avaliasaun hodi bele renova kontratu bazeia ba lei ne’ebé vigor iha nasaun ida ne’e, tanba Ministra Edukasaun seidauk halo avaliasaun.” Dehan agustinho pinto
Porta-vos ne’e salienta tan katak Ministra Edukasaun laiha avaliasaun desempeñu ba profesór kontratadu sira nune’e hahu dia 8 de jullu sei mobiliza profesór kontratadu sira husi Munisípiu 13 inklui RAEOA hodi halo asaun pasifika no sei blokeia total atividade iha edifisiu Ministeriu Edukasaun, kuandu laiha solusaun no sei impede total atividade edukasaun iha teritoriu Timor-leste tomak.
“Ami halo ona karta informativu ba Ministra edukasaun no Parlamentu Nasional katak hahu dia 8 de Jullu mak sira la reativa ami nia kontratu bazeia ba rezolusaun Parlamentu nian tanba ne’e desizaun Povu nian, nune’e ami sei blokeia total atividade edukasaun nian, tanba Ministra la halo nia programa no la kumpri deziaun Parlamentu nian. Ami sujere Parlamentu Nasional labele aloka tan osamentu ba Ministra Edukasaun tanba moralmente nia laiha ona poder politika ba programa oinsa atu garante kualidade edukasaun nian, no nia konsidera ona rezolusaun Parlamentu Nasional no rona ona ideia husi Presidente Republika no Primeiro Ministru, tanba Parlamentu nasional reprezenta povu, nune’e ami nafatin ezize ami nia direitu tuir poziaun ne’ebé garantia ona iha K-RDTL kona-ba Lei traballu no ami sei avansa tuir rezolusaun Parlamentu nian.” Hatutan Portavos
Profesór kontratadu sira ne’e mós komprometidu katak sira sei la tauk hodi depende sira nia direitu bainhira governu la konsidera sira bazeia ba K-RDTL artigo 6 katak estadu iha direitu no dever hodi garante sidadaun sira nia direitu fundamentais, karik laiha solusaun mak sira sei hamutuk ho AMTL hodi halo asaun pasifika hasoru Ministra Edukasaun tanba konsidera Ministra laiha moral politika atu dezemvolve setór edukasaun, durante ne’e abandona estudante sira iha iha prosessu aprendisajen tanba menus professores.
Reportajen : Basilio
Foto : Basilio
