Dili (TVDJ)- Ministru Juventude Desportu Arte no Kultura (MJDAK) realiza primeiru reuniaun komisaun nasional desportu nomós halo alterasaun ba lei Komisaun Nasional Desportu (KND) nian, tanba iha alterasaun komisaun nasional desportru ne’e iha ona nomeasaun ba membru sira.
Tuir Ministru Juventude Desportu Arte no Kultura (MJDAK) Nelio Isaac Sarmento hateten, reuniaun ida ne’e hanesan primeiru reuniaun komisaun nasional desportu nomós halo alterasaun ba lei Komisaun Nasional Desportu (KND) nian.
“Komisariu KMD hahu primeiru reuniaun ne’e atu fó hateten ba komisariu sira kona-ba importantansia husi komisaun nasional desprortu ne’e. MJDAK mos uza oportunidade ne’e hodi fo hatene ba membru komisariu sira hotu katak komisaun ida ne’e importante tanba atu halo fiskalizasaun nomós haree lala’ok kona-ba atividade desportu inklui mos atividade organizasaun desportu sira iha Timor-Leste,” dehan Nelio Isaac Sarmento iha loron sexta 13/10/23.
Nia esplika iha reuniaun ho komisaun nasional ne’e atu haree ba parte sei halo desizaun hanesan, primeiru mak atu atribui premiu ba atleta sira, husi espesial olimpik ne’ebe sei hetan direitu ba jogu sira iha alemaña.
Entretantu husi atribuisaun ba modalidade seluk, liu-liu ba atleta sira ne’ebé mak hetan rezultadu di’ak iha jogu Asean Games iha Vietnam no Kambodia. Inklui mos paralimpik. Nune’e iha komisariu sira hala’o komentariu ba direitu sira ne’ebé mak sira sei hetan, daudaun ne’e kada modalidade federasaun seida’uk hato’o relartoriu ne’ebé klean kona-bá partisipasaun atleta sira iha jogu Asea Games, Vitenam, Kambodia, inklui mos paralimpik.
Reportajen : Tomas dos Santos
Editór: Salus Carvalho