Dili, 14 Marsu 2024 (TVDJ)- Ministra Edukasaun Dulce de Jesus Soares ho Secretariado Executivo ba Comunidade dos Países da Lingua Portuguesa (CPLP), Zacarias Albano da Costa halo vizita kortezia ba eskola Amiga Kafe hodi deside harii plaka entre Timor-leste no País CPLP nian
Tuir Minístra Edukasaun Dulce de Jesus Soares hateten, atividade ida ne’e di’ak tebes ba Timor-Leste nu’udár nasaun ne’ebé hola parte iha nasaun CPLP nian, liuliu konta ho esforsu tomak ne’ebé Timor-leste halo ona hodi promove lian portuguesa nu’udar lian ofisiál iha rai doben ida ne’e.
“Lian ofisiál portuguesa ida ne’e ita tenki halo esforsu maka’as hodi dezenvolve iha ita-nia rai laran, atu nune’e ita bele banati tuir sistema ema portuguesa sira-nian, nune’é la’os hanorin de’it ba estudante sira ne’ebé halo prosesu aprendizajen iha Eskola Amiga Kafe nian maibé ida ne’e fó benefisiu boot ba ita nia rai Timor-Leste”. Dehan Ministra Edukasaun Dulce de Jesus Soares
Minístra ne’e hatutan, sistema ida ne’e da’ik tebes ba estudante sira ne’ebé hala’o hela prosesu aprendizajen tanba aprende buat barak tebes hanesan halo atividade halo karta ba sira-nia kolega iha países CPLP seluk no hetan resposta, halo dramatizasaun ka halo atividade seluk ne’ebé promove lian portuguesa iha Timor-leste .
“Normalmente atividade hirak hanesan ne’e, ami iha Minísteriu Edukasaun sempre simu karta konvite husi país CPLP nian, ne’ebé prepara tuir ajenda relasiona ho atividade iha Timor-Leste ne’ebé pertense iha área edukasaun no ami maka fó orientasaun tun ba profesór no estudante sira iha eskola hotu”. Dehan ME
Aleinde ne’e Ministra Edukasaun mós iha planu ba tempu badak nia laran sei haruka estudante sira ne’ebé halo prosesu aprendizajen iha Eskola Amiga Kafe no eskola sira seluk sei ba tuir kompetisaun iha Portugal kona-ba materia ezata sira liliu foku ba materia matematika.
Repotrtajen : Nelfiano Soares
Foto : Gabriela