Dili, 19/09/2023 (TVDJ)- Iha tinan 2023, husi grupu dansa kultura husi artista Timoroan reprezenta Timor-Leste (TL) hodi partisipa iha ÁSIA Pasifíku Youth Folklore festival iha nasaun Malazya. Grupu sira ne’e mak hanesan, Timor Furak, Le-Ziaval, Arte-moris no Artista Famoza Maria Vitoria. Grupu haat (4), ne’e Sei aranka iha loron 20 fulan Setembru tinan ne’e.
Tuir kordenadór grupu Timor Furak Olivio dos Santos hateten, husi grupu haat (4) reprezenta Timor-Leste, hodi partisipa primeiru iha ÁSIA Pasifíku Youth Folklore festival 2023 hodi aprezenta dansa kultura. Festival ne’e realiza iha Petalin Jaya, Kuala Lumpur Malazía.
“Objetivu husi partisipa primeiru iha ÁSIA Pasífíku Youth Folklore festival ne’e sei hatudu kultura Timor-Leste, ho modalidade dansa, muzíka, pinta, husi grupu haat (4), ekipa kompostu husi sanulu resin-tolu (13), dansariñas hamutuk sanulu resin-ida (11), pintór ida (1), no kantora ida (1). Husi grupu haat (4), ne’e sei halo kolaborasaun hamutuk bainhira halo aprezentasaun iha palku. Festival ne’e sei hahu husi loron 21 to 26 setembru tinan ne’e,’’ dehan kordenadór grupu Timor Furak, Olivio iha Timor Plaza.
Nia esklarese liután katak, agradese ba parte governu ne’ebé suporta husi, Ministériu Joventude Desporto, Arte e Kultrua (MJDAK), Ministériu Comérciu Indústria, (MCD), Sekretáriu Estado Arte no Kultura (SEAK), Banco Nasionál Timor-Leste (BNCTL), no Gloria Jeans (GJ).
Aleinde ne’e grupu haat (4) ne’e reprezenta Timor-Leste (TL) hodi partisipa iha primeiru ÁSIA Pasifíku Youth Folklore festival 2023 iha Malazya. Hodi promove kultura Timor-Leste nian, nomós promove joventude sira-nia talentu iha área arte nian ba mundu Internasionál.
Iha festival ne’e partisipa mós husi nasaun hamutuk sanulu (10), mak hanesan, China, India, Indonezia,Thaindia, Japaun, Iran, Filipina, Shrilanka, singapura inklui Timor-Leste.
Reportajen :Tomas dos Santos
Editór :Salus Carvalho