Oé-Cusse, 25 Marsu 2024 (TVDJ)-Estudante Ensino Secundario Geral Publico Palaban (Raeoa) preokupa ho litersia ka lingua ne’ebé sira hetan husi materia ne’ebé professores sira hanorin, tanba dalaruma materia ne’ebé sira aprende ho liangua Portugues Professores sira tama halo esplikasaun fali ho liangua Baikenu.
João Aluta Falo Hatene, kona-ba literasia ka lingua ne’e iha problema tanba dalaruma materia sira hanesan liangua Portugues, Professores sira tama ko’alia fali uza lian baikenu, ho nune’e halo estudante sira atu tuir deit maneira professores sira nian, tanba se karik materia sira hanesan liangua Ingles ka Portuques atu halo estudante sira atu akapta ho lalais no foku, profesosres sira presija tama iha aula atu hanorin tenki hanorin ho lingua ne’ebé iha bazeia ba materia ka disiplina ne’e rasik.
“Exemplu hanesan lingua Portugues profesores sira tenke halo mós esplikasaun ho liangua Portugues atu nune’e bele halo estudante ne’ebé la kumpriende nia bele buka meius ka bele ba tuir formasaun iha liur atu nune nia mai fali tuir aula nia bele kumpriende kona-ba materia ne’e rasik”. Dehan Estudante ESGP, Palaban
Nia haktuir tan katak Pelemenus iha prosesu aprendizajen nia laran Profesores sira presija halo esplikasaun tuir duni materia ne’ebé iha, bainhira materia ne’e uza liangua portugues tenke halo esplikasaun mós ho liangua Portugues, atu nune’e estudante sira mós bele badinas atu buka meius hodi kompleta materia hirak ne’e.
Diretór Esgp-Palaban Akresenta liután katak, Hanesan iha Konstituisaun RDTL, hatur tiha ona ita nia lingua ofisial iha rua mak hanesan lingua Tetun no Portuques, nune’e iha eskola secundario ninia materia sira hotu, inklui livrus ka manual sira ne’ebé estudante sira aprende hakerek ho lingua Portuquesa ne’e ba materia hotu-hotu eseptu, materia Relijiaun, Dalen Tetun no mós liangua Malayu. Nune’e iha situasaun aprendizajen loro-loron nian ita iha ne’e mistura liangua rua ne’e.
“Maibé ita atu ko’alia honestu de’it katak, maioria ita utiliza liu lingua Tetun hodi halo esplikasaun maske livru ka manual hirak ne’ebé iha, hakerek ho lingua Portuquesa, dalaruma ita esplika mós ho liangua Portugesa, maibé ita halo esplikasaun barak liu ho lingua tetun, tanba tetun mós ita nia lingua ofisial, Dalaruma mós karik estudante sira la kumpriende liu ona ita esplika de’it ona ho lingua materna baikenu atu bele halo estudante sira kumpriende liután” Dehan Diretor ne’e ba jornalista TVDJ iha Eskola Esgp-Palaban, Oe-Cusse.
Diretor ne’e haktuir tan katak, dadaun ne’e ita adopta tan lingua Ingles ho lingua Indonensia Melayu, iha ita nia kurikulu ho ida ne’e dalaruma mós materia balun ita esplika ba estudante sira la komprende ita halo esplikasaun ho lingua melayu, tanba estudante sira adapta no influensia liuhusi televizaun ho nune’e sira mós hatene lingua melayu ka bahasa indonensia ne’e rasik.
Iha fatin hanesan jornalista TVDJ haree mós problema sira ne’ebé estudante sira infrenta iha eskola Esgp-Palaban (Raeoa), hanesan problema la iha be’e mós ba estudante sira atu uza, nune’e mós ekipamentus ba estudante sira halo aprendizajen mak hanesan JIZ ba estudante sira atu hakerek iha quadru mós la iha.
Reportajen : Flavio Suni
Foto: Dony
