Kovalima, 28 Outubru 2023 (TVDJ)- Komunidade suku Matai sente Kontente tanba Ohin loron Ezerse sira nia direitu ba Hili Xefe Suku foun hodi lidera suku ne’e ba oin.
“Ha’u sente orgulhu tanba tinan tinan la iha feto atu kompete ho mane sira liuliu iha eleisaun suku ida ne’e espesialmente ohin loron sente kontente tanba ohin loron iha feto ida mak bele kompete ho mane sira nu’udar sefe suku. No ohin loron ha’u ezerse ona ha’u nia direitu hodi hili lideransa komunitariu foun,” dehan Komunidade Maria Natál iha ambitu eleisaun suku.
Nia husu ba xefe suku foun maka atu ukun tenki dezenvolve iha suku laran, atu kontinua hadiak suku tanba durante ne’e povu Matai hasoru difikuldade barak liu-liu ba iha dezenvolvimentu iha suku liu-liu iha aldeia.
“Ha’u husu atu xefe suku kumpri nia promesa ne’ebé sira iha durante halo kampanha nune’e mós atu hadiak bee mós ne’ebé mak durante ne’e povu Matai infrenta nune’e mós haree ba iha estrada ne’ebé mak difikulta tebes komunidade liuliu iha aldeia sira nomós dezenvolvimentu ne’ebé mak ladún la’o no funsiona ho di’ak iha suku ida ne’e.
Iha fatin hanesan Kandidatu Xefe Suku Nino José Mosquito Perreira hateten karik nia hetan konfiansa husi povu Matai sai nu’udar xefe suku mak nia sei hala’o nia knaar tuir Vizaun no Misaun ne’ebé klaru ona katak oinsá atu hadi’ak no halo dezenvolvimentu ba suku Matai ida ne’e.
“ha’u sei la la’o mesak sei la’o hamutuk ho membru konsellu suku inklui komunidade hotu liu-liu joven intelektual sira, no veteranu veterana sira oinsá atu apoiu ideas ka apoiu fíziku balu liu-liu ba iha dezenvolvimentu iha suku laran ida ne’e tenke aselera lalais para oinsá povu ne’ebé fó fiar votus konfiansa mai ha’u, ha’u sei konsidera votus sira ne’e sei tau hanesan responsabilidade no respeitu tomak ba votus ida ne’e para ha’u bele aselera lalais dezenvolvimentu iha suku ida ne’e no hodi hakotu preokupasaun komunidade sira nian iha suku ida ne’e,” dehan kandidatura Nuno.
Nia mós hatutan Preparasaun ne’ebé ha’u halo durante ne’e karik ha’u mak sei eleitu ba xefe suku ida ne’e maka ha’u sei kria enkontru jerál liu-liu ba kada aldeia hodi husi preokupasaun komunidade nian liu nesesidade ne’ebé liga ho komunidade nian hodi akumula ema hotu, kada aldeia hodi kria enkontru jerál hetan informasaun direitu husi komunidade no informasaun sira ne’e mak hanesan planu ba suku ida ne’e ita bele hamutuk hodi dezenvolve suku ida ne’e liuliu husi aldeia.
“Planu no programa liu-liu liga ho estadu ba meta projeitu sira ne’ebé iha ba ha’u mak sei nafatin esforsu liuhusi proposta balu liga ho identidade sira ne’ebé mak iha ha’u sei nafatin kolabora oinsá kolabora hamutuk oinsá para bele aselera lalais dezenvolvimentu liuliu iha suku Matai ne’ebé mak area potensia tebes maibé durante ne’e hahú kedas okupasaun Indonézia too agora liuliu liga ba estrada liuliu bee moos iha suku Matai ida ne’e hetan failansu barak no agora seidauk hetan rehabilitasaun ka tulun balu husi estadu,” dehan Nia.
Ha’u nia mensajen ba povu suku Matai karik ha’u mak eleitu ba sefe suku liuliu ba intelwktuais sira, mai veteranu veteranu no inklui komunidade liuliu joven sira hotu oinsá ba Matai ida ne’e ita hakarak atu di’ak mak ita tenke servisu hamutuk ko’aborasaun tenke la’o hamutuk, ba Ha’u sei habelun di’ak ho komunidade oinsá para dezenvolvimentu iha suku ida ne’e hahú husi aldeia tenke la’o di’ak,
Tanba ida ne’e ha’u husu ba komunidade tenke iha mentalidade ne’ebé di’ak liuliu joventude atu muda ita nia mentalidade ne’ebé mak durante ne’e ita iha atu nune’e ba futuru ita tenke hamutuk tanba tempu too ona atu hadiak ita nia suku.
Entretantu Administradór postu administrativu Maucatar Constantino do Carmo Cardoso hateten ha’u nia Observasaun ba eleisaun lideransa iha postu Maucatar liuliu iha suku Matai la’o kapás tebes, la’o tuir nia tempu komesa husi tuku 09.00 ate a data.
“totál eleitores ne’ebé atu vota iha aldeia Matai ne’e hamutuk rihun ida ualunulu resin ualu (1.088), nune’e tuir data determinante oras tuku 15.00, eleisaun ne’e tenke remata maibé ha’u haree direitu katak mais ou menus ema atus ne’e hitunulu resin lima (175), seidauk tama ba vota maske oras termina ona, ha’u haree katak eleisaun ne’e ninia vantajen ba komunidade direitu demokrátika ne’e mai husi komunidade, komunidade sira mak Luis ba eleisaun ida ne’e entaun ha’u haree katak eleisaun ne’e bele kontinua bainhira ema ne’e sei iha, oras ne’ebé termina seidauk remata eleisaun bele kontinua nafatin ate oras terminadu no Votante mós remata. Maibé ema ne’ebé mak iha direitu atu fo votus ne’e tama iha area jurídika sentru votasaun forma husi fatin ne’e la iha ona tanba oras la permite loloos,” dehan Administradór postu Maucatar.
Nia mós hato’o mensajen ba povu suku Matai katak “Ha’u nia liamenon mak prosesu eleisaun ne’e prosesu demokrátiku lideransa komunitarii suku ne’e presiza iha hanoin ne’ebé foun, fo hanoin ne’ebé foun ba iha prosesu dezenvolvimentu Nasionál entaun se mak sai eleitu ba aban bainrua sai xefe suku nia tenke halo tuir saida mak promete ona liuhusi media, promete ona liuhusi odamatan ba odamatan no liuhusi fatin enkontru balu nia promete ona ne’e tenke halo tuir duni tanba votus ida ne’ebé sira hetan ne’e hanesan osan mean atu lori sira ba oin, maibé ba oin se mak sai manán ba xefe suku tenke servi povu no rai ida ne’e ho fuan ho domin, tuir dalan no moris ba,” Dehan Constantino.
Enkuantu iha Suku Matai kompostu husi aldeia 4 hanesan Matai, Quiar, Lohorai no Kunain, eleitores hamutuk 2500.
Repoetajen: Estefania Cardoso
Editór : Salus Carvalho
