Dili 3 Juñu 2024 (TVDJ)- Ekipa Delegasaun Organizadora Vaticano II hala’o reuniaun ho Reprezentante Santa Sé iha Timor-Leste kona-ba preparasaun Vizita Sua Santidade Papa Francisco mai Timor-Leste, enkontru ne’e hala’o iha Eskritóriu Komisaun Altu Nivel Institusionál Motael Dili.
Tuir Amu Bispu Cardeal Dom Virgiolio do Carmo da Silva, hateten objetivu husi enkontru refere atu haree liu kona-ba buat hotu ne’ebé ekipa komisaun organizadora koalia tia ona iha fulan Janeiru no iha enkontru hodi haree hikas ba programa sira ne’ebé persiza atu hadi’a antes Amu Papa vizita Timor-Leste
”Objetivu husi enkontru refere kona-ba asuntu ne’ebé ami koalia ona iha fulan kotuk nian hodi haree kona-ba failansu saida mak atu hadi’a no atu follow-up hodi koalia kona-ba programa ne’ebé presiza hadi’a iha primeiru dia haree liuba iha programa jerál tuir mai sei haree ba parte espésifiku, hanesan parte tékniku, komunikasaun, protokolu, seguransa iha área igreja nian, iha enkontru ne’e fó mós introdusaun no bemvindu ba sira, nune’e mós parte tékniku sei vizita ba fatin ne’ebé Amu Papa sei liuba”. Dehan Arsebispu
Arsebispu ne’e hatutan preparasaun ba vizita Amu papa nian seidauk hatene to’o iha pursentu hira tanba ne’e daudaun parte Igreja no Governu Timor-Leste sei mai hamutuk hotu atu haree kona-ba preparasaun nian depois enkontru hotu mak hatene preparasaun refere ninia persentajen loloos.
“Igreja no Governu Timor-Leste mai hamutuk hotu atu hare preparasaun ninia nivel,kada seksaun,iha igreja ninian ne’e ida-idak ita haree katak iha ninia mudansa lubuk ida ona karik ita sukat persentajen parte estadu nian mós ita bele dehan hanesan, maibé ne’e ita haree husi kada seitor ka ekipa nian maibé ohin hanesan enkontru jeral de’it tenke haree iha nivel nasional oinsa preparativu, maibé agora ami seidauk fó sai rejultadu nia pursentu too ona hira mibé enkontru ne’e remata ita sei hatene loloos rejultadu”. Dehan nia
Nia salienta liutan katak Amu Papa nia vizita hakarak haree ema hotu-hotu maibé ita mós tenke kria kondisaun ne’ebé dignu atu nune’e Amu Papa labele kolen demais tanba ita haree mós ba iha Amu Papa nia kondisaun saúde nian tanba nia laos mai de’it iha Timor-Leste maibé sei ba too iha Singapura depois mai husi Papua Nouva Guinea.
Iha fatin hanesan Ministru Administrasaun Estatál (MAE) Tomas Cabral, hateten kona-ba saúde sira sei konfirma ho klínika no ospital sira iha Dili laran, kona-ba seguransa ne’e kompetensia liuhusi Ministeriu Interior nian tanba Ministeriu Interior sei koordena no servisu hamutuk ho Ministeriu Defeza no ajensia sira seluk.
” Ita sei halo inspesaun mós ba ita nia klínika no ospital sira iha Dili, maibé Amu Bapa mai akompañña husi nia médiku rasik, ha’u hanoin iha buat balun mak konfidensial hanesan tékniku, seguransa no seluk tan, kestaun seguransa defeza intelejensia iha Governu nia kompetensia, liu-liu Ministru Interior servisu hamutuk ho Ministeriu Defeza no ajensia sira seluk atu asegura vizita Amu Papa mai Timor-Leste”. Dehan Ministru Estatal Tomas Cabral
Esplika kle’an liutan katak Amu Papa mai vizita fatin rua hanesan vizita Estadu no vizita pastoral no ba vizita estadu ne’e no Governu nia obrigasaun apoiu igreja ba mobiliza populasaun no sei kria komisaun iha parokia too dioseje hodi organiza malu iha Munisípiu Dili tanba ne’e iha dekretu lei fó flexibilidade ba Autoridade Munisípiu sira tenke hamriik iha oin ajuda ida-idak nia igreja tanba igreja katóliku ne’e ita hotu nian, ne’e duni tenke koordena malu nune’e buat hotu lao kontroladu.
Reportajen : Fernanda/ Dodi
Foto : Dodi