Dili, 26/10/2023, Prezidente Repúblika José Ramos Horta hamutuk ho Ministra Edukasaun, Dulce de Jesus Soares partisipa iha selebrasaun Loron Mundial “Fase Liman ho Sabaun” iha Timor Leste, ne’ebé hala’o husi Casa Produção Audisional (CPA) no Unilever iha Kantina Matak Palásio Prezidensiál
“fase liman ho sabaun hanesan prevensaun ba moras, tanba labarik barak no ema barak hetan moras bakteria oioin liuhusi halimar fo’er loron tomak, ba haan la fase liman no hader mos la fase liman, bele ataka, tuberkuloze. Portantu politika kona-ba prevensaun moras,” dehan PR Jose Ramos Horta loron kinta-feira (26/10/2023).
Iha fatin hanesan Ministra Edukasaun Dulce de Jesus Soares, hateten, fase liman ho Sabaun importate tebes kuandu liman foer sira sei han hahan ne’ebé la mós kaer sira nia oin, kaer sira isin, foer ne’ebé iha sira nia liman, halo sira kabun moras, depois sira hetan moras oi-oin, importante ba labrik hotu-hotu hatene katak fase liman la’os durante tempu Covid de’it, tenke fase liman antes atu han no toba.
“Ministra Edukasaun dehan ami agradese tebe-tebes ba parzeiru Unilever nebe mak hakrak fó apoiu no nia atensaun ajuda labrik timoroan sira, ajuda povu timor, no liu-liu estudates sira iha eskola, se karik iha sira nia eskola iha sabaun ona, se laih di’ak liu apoiu profesor sira atu aijuda estudante sira,” dehan Ministra Edukasaun.
Entretantu Ministra Edukasaun fó mensazen importante ba labrik sira hotu katak ita sira tenke komprende, tenke pratika katak ita boot sira ne’e tenke labarik hotu-hotu garante katak liman mós banhira han ai-han no kaer buat ruma sente liman fo’er tenke garante liu-liu mós ba sanitasaun ne’ebé presiza tebes antes halo aktividade sira selu-seluk.
Reportajen : Gabirela Belo
Editór : Ekipa TVDJ