Dili, (TVDJ)- Centro Nacional Chega I.P (CNC) servisu hamutuk ho Sekretariu Estadu Arte no Kultura (SEAK) realiza enkontru ho liña Ministerial sira, hodi halibur hanoin ka ideia sira relasiona ho Festival Fronteira 2023 ho tema “Interkambiu Kultural ba Promove Rekonsiliasaun”.
Objetivu husi realiza enkontru hodi halo koordenasaun ho liña ministeriais sira hodi prepara ba eventu festival interkambiu kultura nian sei realiza iha Municipiu Bobonaru iha loron 15-19 fulan Novembru tinan ne’e. Ne’ebe sei hetan partisipasaun husi komunidade husi sidade kupang Kabupaten Belu, Malaka no kefa.
“Eventu Interkambiu Festival nee sei iha Seminariu kolokiu, neebe mak sei halo durante loron tolu(3), atividade festival kiltural sei prense husi ita nia maluk sira husi NTT neebe sei mai hatudu dansa kiltura iha kombinasaun ho ita nian rasik, iha feira sei iha moos live Painting (pintura), aprezentasaun ba talentu joven sira (youtuber), aprezenta literatura husi jovem sira neebe mak sei koloka fatin iha neeba ida nee mak ita sei halo, Aleinde nee, iha jogu amigavel desportu tanba ida nee mak ohin loron ami hamutuk ho Linha Ministeriais sira neebe mak sei hola parte iha komisaun atu servisu hamutuk ba eventu ne’e.” hatete Sekretariu Estadu Arte no Kultura Jorge Soares Cristovao, iha loron terca 10/10/23.
Nia hatutan, atividade ne’ebe mak sei prenxe iha festival fronteira ba eventu interkambiu kultural ne’e sei iha mos seminariu no atividade desportiva no arte no kultural nian neebe sei aprezenta husi Delegasaun NTT nian no mos Timor-Leste nian.
Iha fatin hanesan Diretor Ezekutivu Centro Nacional Chega, Hugu Maria Fernandes hateten katak Targetu husi NTT ne’ebe mak sei partisipa iha eventu festival sira nee mak hanesan delegasaun husi komponente rua hanesan husi administrasaun munisipiu sira iha NTT, Pemerintahan Daerah (Pemdah), ho total Kabupaten haat ne’e por volta de atus tolu (300) no hamutuk ho Timoroan ne’ebé sei partisipa iha eventu ne’e.
“kada kabupaten ida sei iha ema limanulu (50) mak sei mai halo aprezentasaun kultural no sei iha tan peritus balu ne’ebé mak sei mai ko’alia husi parte indonezia nian, nune’e hamutuk ho Timoroan sira ne’ebé mak iha indonezia ita bele kalkula husi NTT indonezia nee por volra de atus tolu (300) pesoas ne’ebé partisipa no parte husi Timor-Leste sei partisipa por volta de 50% hamutuk ho delegasaun husi 12 munisipiu inklui Raeoa no Liña ministeriais balu ne’ebé ita bele halo kalkulasaun katak iha eventu ne’e sei hetan partisipasaun husi atus hitu (700) pessoas durante loron Lima hahu husi loro 15 to 19 fulan novembru.” dehan Nia.
Entretantu Kona-ba Orsamentu no material ba realizasaun Festival Fronteira 2023 ba Interkambiu Kultural ne’e seidauk iha informasaun tanba sei iha hela faze diskusaun entre Lina ministeriais sira. Nune’e atividade ne’e halo hodi hetan partisipasaun entre Timor-Leste ho Indonezia ne’ebe sai nuudar instrumentu paz, hodi hametin lasu amizade entre Timoroan sira ne’ebé fahe malu tanba konflitu pasadu.
Reportajen Estefania Cardoso
Editór : Salus Carvalho
