Dili, 13/09/2023, TVDJ – Aniversáriu Banku Central Timor-Leste (BCTL) ba dala sanulu resin rua (12), iha seremonia ne’e hamutuk ho governu, oinsá atu haree ba dezenvolvimentu ekonomiku povu nia moris iha Timor-Leste liu-liu iha merkadoria.
Bazea ba merkadu livre no suporta politika ekonomika governu nian, nune’e dezenvolvimentu fator finanseiru labele separa husi setor dezenvolvimentu ekonomiku tanba sira iha interligasaun.
Tuir Governador Banku Central Timor-Leste (BCTL) Hélder Lopes hateten, Hodi konsellu administrasaun Banku Central Timor-Leste (BCTL) iha mandatu atu halo politika monitaria no dezenvolvimentu ba setor finanseiru ho objetivu atu mantein estabilidade presu iha rai laran no haburas mantein finansia iha rai laran.
“Setor finanseiru nia papél fundamental iha tolu (3), Primeiru, atu fasilita mobilisaun rekursu finanseirus ka hasae intermediariu husi poupansa, tantu iha nasional ka internasional ba investimentu no konsumu ne’ebé hamosu progresu boot. Segundu, fornese sistema no servisu pagamentu ne’ebé diak. Terseiru, fronese produtu no servisu finanseiru ba ajente ekonomiku uma-kain no ajente individu sira atu maksimiza sira nia returnu no minimiza ka evita presu,” dehan Governador Banku Central Timor-Leste Hélder Lopes iha salaun Multifunsaun GMNTV Bebora.
Iha fatin hanesan Primeiro Ministro Kay Rala Xanana Gusmão hateten, Tinan lima (5) mai governu sei tau matan ba ba dezenvolvimentu ekonomiku, ne’e duni ba orgaun estratejiku sira ne’ebé temi ona iha ne’e hodi hasoru malu kedas hodi hadia dezenvolvimentu ekonomia iha Timor-Leste.
“Tanba povu terus ona iha tinan ruanulu resin ha’at (24) nia laran, agora tama ona 2023 povo nafatin moris iha terus nia laran, hodi nune’e governu tenki presija duni kria kondisaun ne’ebé di’ak ba povu, tanba ida ne’e mak governu presija duni husu Banku Central Timor-Leste (BCTL) marka ona buat importante barak, tau ona iha estrategia, atividade sira ne’ebé ita presija atu hadia hodi nune’e tenke servisu makas liu tan no serviu di’ak liu tan hodi asegura povu ba moris di’ak,” dehan PM Kay Rala Xanana Gusmão, bainhira partisipa iha aniversariu BCTL ba dala xii.
Governu sei servisu maka’as hamutuk ho BCTL hodi hamosu dezenvovimentu ekonomia iha rai doben Timor-Leste, iha serimonia aniversariu nee hetan partisipa husi Primeiro Ministro, Viçe Primeiro Ministro, Governador Banku Central Timor-Leste no membru Governu IX.
Reportajen :Domingos Guterres
Editor : Salus Carvalho
