Dili, 3 Juñu 2024 (TVDJ)-Autoridade Protesaun Civil (APC) liu husi xefe seksaun relasaun externa no komunikasaun (GREK) hala’o konferénsia imprensa hodi atualiza situasaun nomos fó sai dadus kona-bá dezastre naturais iha munisípiu sira. Konferénsia ne’e realiza iha salaun APC Kaikoli.
Tuir xefe seksaun relasaun externa no komunikasaun (GREK), Nelson Nunes De Orleans hateten, konferénsia imprensa ida ne’e hodi atualiza situasaun dezastre natural iha fulan Janeiru tó Juñu, no fó sai dadus kona-bá vítima sira ba públiku.
“Dadus sira hahú husi loron 27 maio tó 3 juñu 2024 iha semana ida ne’e, iha rejiaun Timor Leste akontese dezastre mak hanesan CNOPC- APC rezista uma-ka’in hamutuk (225) ho total númeru família afetadu hamutuk 323, liu-liu iha munisípiu sira hanesan tuir mai ne’e: Ainaru (anin sobu uma ida), Baukau konflitu sosiál (estraga uma hamutuk 13), Cova-lima bee sa’e, (estragus uma ka’in 171), Manu-fahi (bee sa’e estragu uma ka’in 36), Vikeke (anin sobu uma ida), Raeoa (anin sobu uma rua), husi munisípiu hirak ne’e partre APC rezista ba vítima ne’ebé mak durante ne’e hetan dezastre, husi parte Autoridade Protesaun Civíl (APC), husi sua eselénsia sekretáriu protesaun Civíl, halo ona rekoperasaun ba iha munisípiu ha’at mak hanesan, Ermera, Manu-fahi, Lospalos no Ainaru. Dehan Nelson Nunes De Orleans
Nia afirma liu tan Autoridade Protesaun Civil (APC), prontu servisu hamutuk ho parte relavante hodi atualiza situasaun dezastre natural ne’ebé komunidade afetadu sira afeta liuhusi kooperasaun entre Sekretáriu Estadu Protesaun Sivíl.
“Ami husi Autoridade Protesaun Civíl prontu nafatin bazeia ba despaxu ne’ebé sei hato’o husi parte relevante, ba iha sekretáriu Estadu Protesaun Civíl, tanba ne’e ami prontu nafatin hodi servisu hamutuk ho SEATOU liu-liu ba vítima sira husi Eviksaun iha Kapitál Dili, maibé ami prontu nafatin servisu kona-ba vítima sira ne’ebé hetan dezastre, maibé husi parte SEATOU nomos liuhusi prezensa autoriédade munisípiu Dili iha kooperasaun entre Sekretáriu Estadu Protesaun Sivíl, ami nafatin prontu. Dehan nia
Reportajen: Adrian/ Albina
Foto: Albina
