Dili, 19-02-2024, (TVDJ)-Autoridade Protesaun Civil (APC), anunsiu dezastre naturais durante semana ida nia laran, ne’ebé komunidade sira afeita hamutuk 127. Anúnsiu ne’e realiza iha Autoridade Protesaun Civil, Caicoli.
Tuir Diretor Autoridade Protesaun Civil (APC) Cesário Da Silva Marques Relata katak dezastre naturais ba semana ida nia laran, hahu husi loron 13/02/2024 too 19/02/2024 ne’ebé komunidade sira afeita.
“Durante semana ida nia laran, komunidade iha territóri nasionál, afeita ba dezastre naturais. Ekipa Autoridade Protesaun Civil (APC), Sekretario Proteção Civil no Ministério Interior rejista ona dadus hamutuk atus ida rua nulu resin-hitu (127), né’ebé hetan estragus iha munisípiu sira hanesan, Baucau kauza husi anin boot sobu uma ka’in sanulu (10), Bobonaru kauza husi rai halai estragus uma ka’in rua (2), Cova-lima kauza anin boot sobu uma ka’in hamutuk hitu nulu-resin neen (76) no insediu urbanu hamutuk ualu (8), Dili anin subu uma ka’in ida (1), kauza husi udan boot foin lalais né’e hahu tuku tolu (3) lokraik to tuku lima (5) kauza husi ida ne’e hamosu inundasaun, komunidade nia uma ka’in hamutuk sia (9), Manufahi kauza husi anin boot sobu komunidade nia uma hamutuk uma ka’in rua (2), iha Raeoa anin sobu komunidade nia uma ka’in ida (1), no ema ida lakon nia vida ho idade tinan liman (5), tanba labarik halimar iha mota no mout iha ne’eba. Dehan Cesário da Silva iha APC Caicoli.
Nia salenta tan katak iha Munisípiu Viquque kauza husi anin bot subu komunidade nia uma lima (5), iha Munisípiu Liquiça kuaza husi anin boot sobu komunidade nia uma (6), iha Munisípiu Manatutu kauza husi anin boot sobu komunidade nia uma haat (4), no insediu ida no rai halai estragus uma ida (1).
“Autoridade Protesaun Civil (APC), provisoriamente APC destekadu iha Munisípiu sira rejista no parseiru sira fó apoiu emergensia asistensia ba família sira ne’ebé afetadu iha Munisípiu, hodi nune’e mak Protesaun Sivil rejista hela nia prosesu sira né’e kada semenal iha Grect no partilla hela iha publiku atu fó atensaun hela ba sidadaun sira tanba agora dadaun anin boot no udan boot, neduni husu komunidade sira labele lao sai ba fatin ne’ebé risku no labale husik labarik sira halimar iha mota no seluk tan.’’ Dehan Diretor APC iha Caicoli.
Diretor ne’e reforsa tan katak nia husu ba inan aman sira kuando udan no anin bot labale ba toos no natar, no labale koko hakur mota iha tempu udan boot, ida ne’e mak informasaun ne’ebé ami partilla nafatin ba públiku.
Reportajén : Ekipa TVDJ
Foto : Tomás dos Santos
