Dili, 24 Juñu 2024 (Média Democraçia)-Autoridade Protesaun Sivíl (APC), Realiza konferénsia imprensa kona-ba vitima dezastre natureza hahú husi loron 17 to’o 23 Juñu 2024 tinan ne’e, Konferénsia ne’e hala’o iha Edifísiu Autoridade Protesaun Sivíl Caicoli, Segunda feira ne’e
Diretór Grec-APC, Cesário da Silva Marques hateten, diresaun nasionál Timor-Leste normál no akontese tipu dezastre maka registu família hamutuk hitu (7),ne’ebé mak hetan estragu dezastre natureza, no akontese iha postu-administrativu sanulu (10)
“Munisípiu Ataúru anin sobu uma rua, Munisípiu Ainaru ahi-han uma ida, Munisípiu Baucau anin sobu uma haat, no ahi-han uma ida, Munisípiu Covalima rai halai estragu uma tolu, no ahi-han uma ida, Munisípiu Ermera anin sobu uma ida, no ahi-han uma ida, RAEOA ahi-han uma ida, no anin sobu uma ida, Munisípiu Viqueque anin sobu uma neen, no rai halai uma ida,” Hatete Cesário liuhusi konferénsia Imprensa Segunda feira ne’e
Nia hatutan kona-ba vizita dezastre natureza hirak ne’e, APC servisu hamutuk ho autoridade Munisípiu sira hotu, atu halo atendimentu lalais vitima sira, tanba sira presiza tebes APC nia tulun iha situasaun emerjénsia.
“Rekuperasaun kona-ba vitima ne’ebé hetan Dezastre ne’e ami sei foti tiha dadus, ba ida ne’ebé mak sei fahe ba tipu tolu maka, aat natoon, ka aat kaman, no mós aat total,” nia hatutan
Nia afirma, liuhusi Komandu APC responde ona husi akontese ne’ebé iha, maibé APC ne’ebé kolokada ba iha Munisípiu sira standby 24 horas no mós liuhusi Komandu operasaun ho nia ekipa tornu tolu stanby iha 24 horas durante loron hitu hodi simu informasaun
Entretantu iha Semana ida ne’e dadus afetadu maka’as liu maka anin boot uma kain sanulu resin haat (14) anin boot iha Munisípiu Ataúru uma rua, Munisípiu Baucau uma haat, Munisípiu Ermera uma ida, Munisípiu RAEOA uma ida, Munisípiu Viqueque uma ida
Reportajen : Estefanya
Foto : Estefanya
