Dili, 07/11/2023 (TVDJ)- Ministeriu Edukasaun iha nia programa prioridade mak infrastrutura nasional nune’e sei konstrui sala de aula rihun ida resin ba eskola sira iha terirtoriu nasional iha 2024.
Ministra Edukasaun Dulce de Jesus Soares informa ministeriu nia programa prioridade ba iha 2024 mak infrastrutura nasional hanesan sei konstrui eskola sala de aula hamtuk rihun ida resin iha teritoriu nasionál,,maibé presiza mós fasilidade sira hanesan kadeira, meza ba estudante no professor sira.
“Ministeriu Edukasaun presiza atu konstrui tan sala de aula mais mil ital, maske ita tau iha planu sira hanesan ne’e mais dala ruma iha dezastre naturais estraga tiha sala de aula balu entaun ita tenki kontinua halo nafatin, bainhira ita halo kontrusaun ita presiza mós ekipamentu hanesan kadeira meza ba estudante no profesor sira.” dehan Ministra Dulce de Jesus Soares iha vila-verde, Dili.
Ministra mós salienta tan ba futuru ita presiza iha sala de aula ne’ebé diak liutan, Ministeriu Edukasaun iha fase hadia dezeñu prototipu ne’ebé iha, tanba agora sala de saula ne’e ho nia mediada 7×7 ba estudante hatnulu (40) entaun iha dezeñu foun sei hadia hela atu bele iha sala de aual ida ne’ebé mais adekuadu nune’e bele kompleta kadeira , meza ba professor sira nune’e mós iha armariu ruma.
“Prototipu ne’ebé ami halo sei halo iha futuru 2024 talves atraza ona maibe dezeñu ne’ebé agora atu halo aprosimasaun ida laos ba halo sala de aula maibe tenki halo komplekxu ne’e tomak, nune’e bele iha biblioteka ida laboratariu kiik ida nomos iha kuzina tanba iha Ensino basiku iha mós merenda escolar,” dehan nia.
Iha futuru Ministeriu Edukasaun sei halo prototipu ida nune’e iha 2025 bele iha komplekxu de eskola sira ne’ebé iha fasilidade koompletu.
Reportajen: Domingos Amaral.
Editór: Ekipa TVDJ